нато шиветсийә билән финландийәгә қарши һәр қандақ һуҗум йүз бәрсә инкас қайтуриду

нато баш катипи столтенберг шиветсийә билән финландийәгә қарши һәр қандақ һуҗум йаки таҗавузчилиқ уруши йүз бәрсә, натониң инкас қайтуридиғанлиқини билдүрди.

1911166
нато шиветсийә билән финландийәгә қарши һәр қандақ һуҗум йүз бәрсә инкас қайтуриду

түркийә авази радийоси хәвири: нато баш катипи столтенберг 29-30-нойабир руменийә пайтәхти бухаристта өткүзүлидиған нато ташқи ишлар министирлири йиғинидин илгири ахбарат елан қилди.

у шиветсийә билән финландийәниң натоға әза болуши тоғрисидики бир соалға җаваб берип, икки дөләтниң әзалиқ илтимасидин кейин имзаланған келишимни, венгрийә вә түркийәдин башқа 28 әза дөләт парламентлириниң тәстиқлиғанлиқини хатириләтти.

у венгрийә билән түркийәниңму тәстиқлайдиғанлиқиға ишинидиғанлиқини билдүрүп, буниң әң қисқа вақит ичидә әмәлгә ашурушни чақириқ қилди.

у мушу айниң (2022-йили нойабир) бешида истанбулда түркийә җумһур рәиси рәҗәп таййип әрдоған билән көрүшкәндиму мәзкур мәсилиләрни музакирә қилғанлиқлирини әскәртип, шиветсийә вә финландийәниң ийунда (2022) түркийә билән мзалиған үч тәрәп келишиминиң шәртлирини орундаш керәкликини қәйт қилди.

у шиветсийәниң террорлуққа қарши күрәш қануниға өзгәртиш киргүзүп, техиму қаттиқ һалға кәлтүргәнликини, қорал експортиға қойулған чәклимиләрни әмәлдин қалдурғанлиқини вә һәр икки дөләтниң террорлуққа қарши күрәштә узун муддәтлик һәмкарлиқ вәдисиниң барлиқини билдүрди.

у икки дөләтниң натоға әза болушиниң иттипақни техиму күчләндүридиғанлиқини тәкитләп, америка вә әнглийә қатарлиқ бәзи дөләтләрниң шиветсийә билән финландийәәә хәвпсизлик капалити бәргәнликини қәйт қилди.

у мундақ деди:

«икки дөләт натониң һәрбий вә аммиви паалийәтлиригә қатнишиватиду. икки дөләткә қарши һәр қандақ һуҗум йаки таҗавузчилиқ уруши йүз бәрсә, нато инкас қайтуриду.»



مۇناسىۋەتلىك خەۋەرلەر