yawropa parlaménti tor hujumigha uchridi

yawropa parlaméntining reisi robérta métsola yawropa parlaméntining rusiyeni «térrorizmni qollaydighan dölet» dep élan qilishidin kéyin tor hujumigha uchrighanliqini uqturdi.

1910352
yawropa parlaménti tor hujumigha uchridi

türkiye awazi radiyosi xewiri: yawropa parlaménti reisi robérta métsola ammiwi ortaqlishish tor béti Twitter sehipiside bu heqte élan qilghan bayanatida, mundaq dédi: «yawropa parlaménti tor hujumigha duch kelmekte. bu hujumning jawabkarliqini krémil sariyini qollaydighan bir guruppa öz üstige aldi. derweqe, mutexessisler hujumning aldini aldi. rusiyeni <térrorizmni qollaydighan dölet> dep élan qilishimizdin kéyin, bu hujum yüz berdi. méning buninggha qarita jawabim shuki, zeper ukrainagha teelluqtur.»

firansiyening strasburg shehiride ötküzülgen yawropa parlaménti omumiy kéngishi yighinida, rusiyeni «insan qélipidin chiqqan we zalimlarche heriketler» ni élip bérish bilen eyiblep, «térrorluqni qollaydighan dölet» dep élan qilish qarar layihesi, 58 ge qarshi  494 parlamént ezasining qollap awaz bérishi bilen maqullanghanidi.



مۇناسىۋەتلىك خەۋەرلەر