тайланд: хитай билән түзгән келишимидин чекинишимиз мумкин
тайланд 2017-йили хитай билән имзаланған су асти парахоти келишимидин чекиниш еһтималлиқиниң барлиқини билдүрди.
түркийә авази радийоси хәвири: «‹Bangkok Post› гезити» ниң хәвәр қилишичә, тайланд деңиз армийәси қомандани адмирал чойңчай чомчоңпет, мухбирларниң 2017-йили хитай билән имзаланған су асти парахоти келишими тоғрисидики соаллириға җаваб бәргәндә, су асти парахотида қайси моторниң ишлитилидиғанлиқи һәққидә хитайниң тайланд тәрәпкә учур беришни кечиктүргәнликини билдүргән, һәмдә келишимгә асасән хитайниң « CHD620» типлиқ моторниң ишлитилишини халайдиғанлиқлирини қәйт қилған.
тайланд деңиз армийәсиниң хитай тәрәп билән су асти парахоти лайиһәси тоғрулуқ сөһбәт өткүзидиғанлиқини әскәрткән чомчоңпет, хитайдин су асти парахотида қайси хил моторниң ишлитилидиғанлиқи тоғрулуқ мәлумат берилишини тәләп қилидиғанлиқлирини, әгәр хитай тәрәп келишимгә хилаплиқ қилса, тайландниң келишимдин чекиниш еһтималлиқиниң барлиқини байан қилған.
тайланд билән хитайниң дөләт игидарчилиқидики парахот йасаш ширкити CSOC, 2017-йили «S26T» йүән типлиқ су асти парахоти лайиһәси үчүн 393 милйон доллар мәбләғ селиш тоғрулуқ келишим түзгәниди.
бу су асти парахотиниң 5 йилдин 6 йилғичә тапшуруп берилиши күтүлүвататти.
