zélénskiy rusiyening «térror döliti» dep élan qilinishini telep qildi

türkiye awazi radiyosi xewiri: ukraina pirézidénti wolodimir zélénskiy ispaniye paytexti madridta ötküzülgen shimaliy atlantik ehdi teshkilati parlamént ezaliri mejlisining 68 - nöwetlik omumiy yighinigha sinliq qatnashti we  shimaliy atlantik ehdi teshkilati parlamént mejlisi ezalirigha söz qildi.

u: «milyonlighan xelqimizning hayatini biwasite xeterge ittirgen rusiye, qish peslide issinish, tok we su éhtiyajimizni üzüp tashlash üchün énérgiye ul - eslihelirimizge hujum qilmaqta. silerge nisbeten toghra bolghini؛ parlaméntliringlarda rusiyeni <téror döliti> dep étirap qilishtur» dédi.

u ukrainadiki yadro eslihelirige xeterlik bolidighan her qandaq hujumning pütün xelqaragha tesir körsitidighanliqini we buning aldini élishning hemmeylenge menpeetlik ikenlikini bildürüp: «barliq döletler rusiyening her qandaq bashqurulidighan bomba étishigha yaki buzghunchiliq qilishigha qarshi ul - eslihelirini kapaletlik qoghdashqa ige qilishqa éhtiyaji bar» dédi.

u ukrainagha yéterlik miqdarda ayropilan atar we bashqurulidighan bombidin mudapielinish sistémisi yardem qilinishi kéreklikini tekitlep, rusiyege qaritilghan émbargolarning dawamlishishi we rusiyening térrorluq uruqlirini chéchish üchün yéngi yollarni izdishige yol qoyulmasliqi kéreklikini telep qildi.