америка мудапиә министири остин билән хитай мудапиә министири вей феңхе камбоджада көрүшти
америка мудапиә министири лойд остин билән хитай мудапиә министири генерал вей феңхе шәрқий җәнубий асийа әллири иттипақиниң мудапиә министирлири кеңәйтилгән йиғиниға иштирак қилиш үчүн барған камбоджаниң сием реп шәһиридә көрүшти.
түркийә авази радийоси хәвири: бу, мәзкур икки министирниң бу йил ийунда сингапорда өткүзүлгән «шаңри-ла дийалоги» мудапиә мунбири җәрйанидики учришишидин кейинки иккинчи қетимлиқ йүзтуранә учришиши болуп қалди.
америка мудапиә министирлиқи байанатчи пәт райдер икки министирниң учришиши тоғрисида байанат берип, остинниң мәнсәпдишиға, вашингтонниң, хитайниң һәрбий васитилириниң һинди-тинч окйан районидики күнсери күчийиватқан хәтәрлик һәрикәтлиридин әндишә қиливатқанлиқини оттуриға қойғанлиқини билдүрди.
байанатчи райдер, остинниң «хитай айропиланлириниң хәтәрлик һәрикәтлириниң райондики һадисә хәвпини ашурувәткәнлики»ни вә «истратегийәлик хәтәрләрни азайтиш вә мәшғулат бихәтәрликигә капаләтлик қилиш үчүн конкрет сөһбәткә еһтийаҗ барлиқи» ни тилға алғанлиқини ейтти.
хитай тәрәп, икки министирниң учришиши тоғрисида һазирғичә байанат елан қилмиди.
икки министирниң учришиши, америка вә хитай рәһбәрлириниң алдинқи һәптә һиндонезийәдә өткүзүлгән 20 дөләт гуруһи башлиқлар йиғини даирисидики учришишидин кейинки вақитқа тоғра кәлди.
һиндонезийәдики учришишта, америка пирезиденти җо байдин хитай дөләт рәиси ши җинпиңға икки дөләт оттурисидики риқабәтниң тоқунушқа айлинип кетишидин сақлиниш үчүн, алақә йоллирини очуқ тутуш керәкликини ейтқаниди.
