zélénskiy luxansk rayonida ilgirileshlerni qolgha keltürgenlikini éytti
ukraina pirézidénti wolodimir zélénskiy luxansk rayonini rusiye armiyesidin qayturup élish üchün üzlüksiz urush qilip, asta-asta algha ilgirileshni dawamlashturuwatqanliqlirini éytti.
türkiye awazi radiyosi xewiri: woladimir zélénskiy tünügün (20-noyabir) télégramma adrésida hembehirligen sinliq uchurida, rusiyege qarshi élip bériliwatqan urushning 270 - künige qedem qoyghanliqini éytti.
zélénskiy rusiye qisimlirining ukrainagha qaratqan hawa hujumlirining dawam qiliwatqanliqini bildürüp, eng éghir toqunushning hazirche donétsik aldinqi sépide yüz bériwatqanliqini tekitlidi.
zélénskiy ukraina armiyesining luxansk rayonidimu ilgirileshlerni qolgha keltürgenlikini eskertip: «biz luxansk rayonida urush qilip, asta-asta algha ilgirilewatimiz. sherq aldinqi sépide (tünügün) etigendin béri 400 ge yéqin bombardiman boldi» dédi.
zélénskiy rusiyening hawa hujumi netijiside ziyangha uchrighan énérgiye ul- eslihelirini rémont qilish xizmetlirining dawamlishiwatqanliqini we ukrainaning paytext kiyéw qatarliq 15 rayonida tok bilen teminlesh mesilisige duch kelgenlikini éytti.
rusiye qisimliri 24 - féwralda ukrainagha tajawuzchiliq urushi bashlighan idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
