amérikada xitayning bir istixbarat emeldari qamaq jazasigha höküm qilindi
amérikada xitayning bir istixbarat (dölet bixeterlik) xadimi 20 yilliq qamaq jazasigha höküm qilindi.
türkiye awazi radiyosi xewiri: amérika fédératsiye sot mehkimisi, xitayning bir istixbarat xadimini jasusluq qilish we soda mexpiyetlikini oghrilashqa urunush jinayiti bilen eyiblidi.
sinsinnati fédératsiye soti, bélgiye teripidin amérikagha ötküzüp bérilgen yenjün shüning 2021- yili noyabirdiki eyibleshlerge asasen qamaqqa höküm qilinghanliqini uqturdi.
amérikagha tapshurup bérilgen tunji xitay istixbarat emeldari shü, xitay hökümitige wakaliten amérikada jasusluq bilen shughullinip, amérika shirketlirining soda mexpiyetliki we paténtlirini oghrilashqa urunush bilen eyiblendi.
bayanatta, mezkur shü famililikning xitay dölet bixeterlik ministirliqining muawin mudirliq derijisige ösken bir istixbarat xadimi ikenliki eskertildi.
amérika fédératsiye tekshürüsh idarisi (FBI) diréktori: «bu délo, xitay hökümitining amérikaning iqtisadiy bixeterlikige, bashqiche élip éytqanda, dölet bixeterlikimizge qiliwatqan hujumlirining eng yéngi misali» dédi.
