polsha: bashqurulidighan bomba weqesige rusiye jawabkar

polsha bash ministiri matéus morawiski (Mateusz Morawiecki) polshagha chüshken bashqurulidighan bomba sewebidin ikki kishining jénidin ayrilishigha rusiyeni, «jawabkar» dédi.

1907572
polsha: bashqurulidighan bomba weqesige rusiye jawabkar

türkiye awazi radiyosi xewiri: polsha bash ministiri matéus morawiski tünügün (16-noyabir) bir téléwiziye pirogrammisigha qatniship, rakéta we bashqurulidighan bomba mutexessislirining polsha zéminigha chüshken bashqurulidighan bombini tekshürüshini dawamlashturuwatqanliqini bildürdi.

u: «wetendashlirimizning ölümi ukrainagha hujum qilish bilenla qalmay, belki u döletni keng kölemde bashqurulidighan bomba we uchqular bilen hujum qilip, térrorluq wehimisige salghan rusiyening jinayitidur» dédi.

u yene mundaq dédi:

«amérikadin zamaniwi qorallarni sétiwiliwatimiz, polshani asan yutqili bolmaydu.»

yawropa ittipaqi tashqi munasiwetler aliy wekili we yawropa komitétining muawin bashliqi josép borrél polsha zéminigha chüshken bashqurulidighan bomba toghrisida élan qilghan yazma bayanatida: «bu bir tiragédiyelik weqe, rusiye teripidin ukraina sheherliri, puqraliri we ammiwi ul-eslihelerni nishan qilghan bashqurulidighan bomba hujumining netijisi. bu hujumlar xelqaraliq qanungha éghir xilapliq qilish hésablinidu» dédi.

rusiye tashqi ishlar ministirliqi polshani ukraina chégrasigha jaylashqan przéwodow yézisigha chüshken bashqurulidighan bombini desmi qilip «ighwagerchilik qilmasliq» qa chaqirdi.

rusiye tashqi ishlar ministirliqining bayanatchisi mariya zaxarowa yazma bayanatida, polshaning moskwadiki elchixanisining meslihetchisi yasék sladéwski (Jacek Sladewski) ning ministirliqqa chaqirilghanliqini bildürdi.

u: «diplomatqa, polshaning mezkur weqeni chöridigen halda rusiyege qarshi istixbarat urushini ulghaytishini qobul qilghili bolmaydighanliqi eskertildi» dédi.

polshaning ukrainagha jaylashqan przéwodow yézisigha 15-noyabir namelum bashqurulidighan bomba chüshüp, ikki kishi jénidin ayrlghan idi.



مۇناسىۋەتلىك خەۋەرلەر