g7 döletliri we shimaliy atlantik ehdi teshkilati rusiyeni eyiblidi
g7 döletliri we shimaliy atlantik ehdi teshkilati-nato rusiyening ukrainadiki sheherlerge bashqurulidighan bomba bilen hujum qilghanliqini eyiblidi.
türkiye awazi radiyosi xewiri: amérika, engliye, kanada, firansiye, gérmaniye, italiye, yaponiye, gollandiye we ispaniye rehberliri bilen yawropa ittipaqi komitéti reisi ursula fondér léyén shundaqla yawropa kéngishi reisi charléz mishél hindonéziyening bali arilida ötküzülgen g20 döletliri guruhi bashliqlar yighinida bir yerge jem boldi.
yighin axirida g7 rehberliri we natogha wakaliten élan qilinghan bayanatta: «rusiyening ukraina sheherlirige we puqrawi ul-eslihelerge qaratqan wehshiyane bashqurulidighan bomba hujumini eyibleymiz» déyildi.
bayanatta, rehberlerning polshaning ukraina chégrasigha yéqin jayda yüz bergen partlashnimu muzakire qilghanliqi bildürülüp, polshaning bu heqtiki tekshürüshige yardem teklipi bergenliki, tekshürüshke egiship, polsha bilen qoyuq alaqining dawamlishidighanliqi uqturuldi.
bayanatta yene, ukrainagha qiliniwatqan yardemlerning dawamlishidighanliqi tekitlinish bilen birge, polshadiki partlashta jénidin ayrilghan ikki kishining aile-tawabiatlirigha teziye bildürüsh uchurighimu alahide orun ajritildi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.