firansiye qobul qilghan 234 köchmendin 44 nepirini qoghlap chiqirishni qarar qildi
firansiye italiye bilen otturisida kirizis chiqishigha seweb bolghan we bir nechche heptilergiche déngizda qutquzush paraxotida saqlighan 234 köchmenni qobul qilghandin kéyin, ulardin 44 nepirining iltimasini ret qilip, chégradin qoghlap chiqirishni qarar qildi.
türkiye awazi radiyosi xewiri: firansiye ichki ishlar ministiri gérald darmanin <okyan wiking> namliq yardem paraxoti teripidin qutquzuwélinghan we tolon herbiy portigha élip kélingen 234 köchmendin 44 nepirining fransiye zéminidin qoghlap chiqirilidighanliqini élan qildi.
darmanin köchmenlerning salametlik tekshürüshidin kéyin öz döletlirige ewetilidighanliqini tekitlep, bu kishilerning baldurraq ewetilishi üchün munasiwetlik döletlerdiki mensepdashliri bilen söhbetleshkenlikini éytti.
darmanin qalghan köchmenlerdin 44 nepirining 18 yashtin töwen ikenlikini, arilirida süriyelik, sudanliq we éritréyelik köchmenlerning barliqini, 60 kishining bolsa, panahliq iltimaslirining resmiyetke élinidighanliqini bildürdi.
firansiye ichki ishlar ministiri qalghan köchmenlerdin üchtin ikki qismining yawropadiki 10 döletke tarqitilidighanliqini uqturdi.
