столтенберг: русийә билән музакирә өткүзүшни украиналиқлар өзи қарар қилиши керәк

түркийә авази радийоси хәвири: нато баш катипи столтенберг голландийә муавин баш министири вә ташқи ишлар министири вопе хоескра (Wopke Hoekstra), дөләт мудапиә министири каҗса оллонгрен (KajsaOllongren) билән көрүшкәндин кейин, ахбарат елан қилиш йиғини өткүзди.

у русийәниң херсондики мудапиә сепини днипро дәрйасиниң сол қирғиқиға чекиндүрүшиниң украина үчүн уруш мәйданидики ғәлибә икәнликини вә украинани қоллашни давамлаштуруш истратегйәсини күчләндүргәнликини билдүрди.

у: «көпинчә урушлар үстәлдә ахирлишиду, әмма үстәлдикиләр пүтүнләй уруш мәйданидики ғәлбиләргә бағлиқ. украина армийәси урушта ғәлибә қилғансери музакирәләрдә қоли шунчилик күчлүк болиду» деди.

у «украина русийә билән үстәлдә олтуруши үчүн йахши пурсәткә ериштиму?» дегән соалға: «украиналиқлар урушта бәдәл төләватиду. шуңа, қачан вә қандақ шәртләр астида музакирәләрни башлашни украиналиқлар қарар қилиши керәк» дәп җаваб бәрди.

у «украина русийә билән еһтималлиқи болған музакирәләрни башлиған әһвалда натониң позитсийәси қандақ болиду?» дегән соалға болса: «украина қобул қилидиған шәртләр шәкилләнсә қоллаймиз. бизниң вәзипимиз украинаниң ғәлибилирини ашуруш» дәп җаваб бәрди.

у ахирида, украинаниң қоллашниң давамлишиши керәкликини тәкитлиди.