rusiye jim karriy qatarliq kanada puqrasi 100 kishini jaza tizimlikige kirgüzdi
rusiye kino artisi jim karréyni öz ichige alghan 100 kanada puqrasigha jaza yürgüzüshni qarar qildi.
türkiye awazi radiyosi xewiri: rusiye tashqi ishlar ministirliqi yazma bayanat élan qilip, kanadaning rusiyening bashqurush, soda, muhit we medeniyet sahesining wekilliri, siyasiyonlar, parlamént ezaliri we mutexessislerge jaza yürgüzüshni dawamlaashturuwatqanliqini eskertkendin kéyin, moskwaning buningdin intiqam élish üchün 100 kanadaliqni jaza tizimlikige kirgüzgenlikini, bularning rusiyege kirishining cheklengenlikini uqturdi.
bayanat bilen birleshtürülüp élan qilinghan jaza yürgüzülgen kanada puqraliri tizimlikide, kanadaning yuqiri derijilik emeldarliri, sodigerler, paaliyetchiler, axbarat we pul-muamile organlirining wekillirining isimlirigha orun bérildi؛ dangliq kino artisi jim karréyning ismining jaza tizimlikidin orun élishi diqqetni tartti.
rusiye tashqi ishlar ministirliqi, 11-noyabir 200 amérika puqrasining jaza tizimlikige kirgüzülgenlikini, mezkur kishilerning rusiyege kirishining cheklengenlikini uqturghanidi.
