zélénskiy: ghelibining yéqinlishiwatqanliqini hés qiliwatimiz

türkiye awazi radiyosi xewiri: ukraina pirézidénti wolodimir zélénskiy twittér adrésida hembehirligen sinliq uchurida, ukraina-rusiye urushining 263-künide yéngi özgirishler üstide toxtaldi.

u ukrainada siyasetchilerning, xewpsizlik küchliri wekillirining we oxshimighan kesiplerdiki kishilerning öz wezipisini ada qilip, ghelibige qarap birlikte heriket qilghanliqini eskertip: «hemmimiz ghelibining yéqinlishiwatqanliqini hés qiliwatimiz» dédi.

u xérson rayonida kontrolluqni qayta qolgha alghanliqlirini, 226 ahaliler rayonida bixeterlik tedbirlirining yolgha qoyulup, muqimliqning saqlanghanliqini bildürdi we u yerlerde texminen 100 ming puqraning yashaydighanliqini qeyt qildi.

u rusiye eskerlirini urush jinayiti ötküzüsh bilen eyiblep, rayonda tépilghan   esker we puqralarning jesetliri üstide tekshürüshlerning bashlanghanliqini bildürdi.

u donétsk aldinqi sépide urushning keskin boluwatqanliqini qeyt qildi.