baydin kéler qétimliq saylamda namzat bolush niyitining barliqini bildürdi

türkiye awazi radiyosi xewiri: pirézidént jo baydin baydin aqsarayda 8-noyabirdiki netijisi téxi élan qilinmighan ottura mezgillik saylam toghrisida axbarat élan qilish yighini ötküzüp, muxbirlarning soallirigha jawab berdi.

saylamlargha «amérika démokratiyesi yaxshi bir kün» dep baha bergen baydin, nurghun kishilerning kütüwatqinidek «qizil dolqun» ning kelmigenlikini, jumhuriyetchiler partiyesining mölcherge yételmigenlikini éytti.

ray sinash netijisidin ayan bolushiche, %75 ademning döletning hazirqi halitidin razi emeskenlikini eslitip ötken baydin, pirézidéntliqining buningdin kéyinki ikki yilida némilerni perqliq qilishni oylawatqanliqi toghrisidiki bir soalgha, «héchnémini» dep jawab berdi.

u 2024-yildiki pirézidéntliq saylimigha qatniship – qatnashmaydighanliqi toghrisidiki soalgha bolsa, «shundaq bir niyitim bar» dep jawab bérip, kéler yilining (2023) béshighiche axirqi qararni chiqiridighanliqini éytti.