amérikada jumhuriyetchiler bilen démokratlarning riqabiti keskin bolmaqta

amérikada ötküzülgen ottura mezgillik saylimida, démokratlar awam palatasida 47 orunni, jumhuriyetchiler 82 orunni qolgha keltürdi.

1904073
amérikada jumhuriyetchiler bilen démokratlarning riqabiti keskin bolmaqta

türkiye awazi radiyosi xewiri: amérikada kéngesh palatasining üchtin biri bolghan 35 orun bilen awam palatasidiki 435 orunning hemmisini qolgha keltürüsh üchün ötküzülgen ottura mezgillik saylimida tashlanghan awazlarni sanash ishliri dawam qilmaqta.

birleshme agéntliqining (AP) biresmiy netijilirige asaslanghanda, awam palatasi riqabitide jumhuriyetchiler 82 orunni qolgha keltürgen, démokratlar bolsa 47 orungha ige bolghan.

jumhuriyetchiler démokratlar üstünlükte turuwatqan awam palatasining kontrolluqini qolgha keltürüsh üchün yene toqquz orungha ige bolushi kérek.

amérikada ikki yilda bir qétim awam palatasi we 100 kishilik kéngesh palatasidiki 35 orun üchün saylam ötküzülidu.

kéngesh palatasida qaysi partiyening üstülükke érishishini, bolupmu pénsilwaniye bilen jorjiya ishtati belgileydu. hazirqi ehwalda kéngesh palatasida 50 jumhuriyetchi, 50 démokrat bar. 51 orungha érishken partiye, kongrening yuqiri qanitigha ige bolidu.

birleshme agéntliqi élan qilghan netijilerge qarighanda, jumhuriyetchiler oxayo we shimaliy karolina ishtatlirida ghelibe qilghan. hazirche jumhuriyetchiler 17 orungha, démokratlar 10 orunni qolgha keltürgen. hazir jumhuriyetchiler bilen démokratlar 46 din orunni qolgha keltürgen.



مۇناسىۋەتلىك خەۋەرلەر