رۇسىيە «دوستانە بولمىغان» دۆلەتلەرنىڭ شىركەتلىرىگە جازا يۈرگۈزدى

تۈركىيە ئاۋازى رادىيوسى خەۋىرى: رۇسىيە ھۆكۈمىتى يازما بايانات ئېلان قىلىپ، «دوستانە بولمىغان دۆلەتلەرنىڭ 74 شىركىتى بىلەن بولغان ھەربىي-تېخنىكا ھەمكارلىقىغا جازا يۈرگۈزۈشنىڭ قارار قىلىنغانلىقى»نى ئۇقتۇردى.

قاراردا كۆرسىتىلىشىچە، ئامېرىكا، ئەنگلىيە، گېرمانىيە، كانادا، بۇلغارىيە، لىتۋا، سىلوۋاكىيە، پولشا، چېخىيە، قاراتاغ ۋە ئېستونىيە قاتارلىق دۆلەتلەرنىڭ بىر قىسىم شىركەتلىرى بىلەن بولغان ھەمكارلىققا خاتىمە بېرىلگەن.

باياناتتا، جازا يۈرگۈزۈش قارارىنىڭ رۇسىيەگە جازا يۈرگۈزگەن دۆلەتلەرگە قارىتا ئالدىنى ئېلىش تەدبىرى سۈپىتىدە چىقىرىلغانلىقىغا ئىشارەت قىلىندى.