nato kosowo bilen sérbiyeni jiddiychilikni ulghaytiwétidighan heriketlerdin saqlinishqa chaqirdi

türkiye awazi radiyosi xewiri: nato bash katipi yéns stolténbérg sérbiye prézidénti aléksandér wuchich we kosowo bash ministiri albin kurti bilen kosowoning shimalidiki aptomobil nomur taxtiliri seweblik peyad bolghan jiddiy weziyet toghrisida téléfon söhbiti ötküzdi.

stolténbérg ijtimaiy taratqudiki adrésida söhbet toghrisida bayanat bérip: «men her ikkisini jiddiychilikni kücheytiwétidighan bir tereplime heriketlerdin saqlinishqa chaqirdim» dédi we birdinbir chiqish yolining diyalog ikenlikige isharet qilip, natoning kosowodiki tinchliq saqlash qismilirining hoshyar halette turuwatqanliqini qeyt qildi.

kosowo sérbliri shenbe küni özlirining kosowo organliridiki wezipiliridin chékingenliklirini élan qilghan, yekshenbe küni namayish ötküzgenidi. sérbiye terep bolsa, aldinqi hepte kosowo chégrasidiki raska shehirige yéqin jayda bayqalghan bir uchquchisiz hawa apparatining yoqitilghanliqini, sérbiyediki herbiy gazarmilar toghrisida jasusluq paaliyetliri bilen shughullinishqa yol qoymaydighanliqini bildürgenidi.