sholz wuxen wirusi bashlanghandin buyan xitayni ziyaret qilghan tunji chet el rehbiri bolup qaldi

türkiye awazi radiyosi xewiri: xitay shinxua agéntliqining xewiride bildürülishiche, xitay reisi shi olaf sholz bash ministir bolghandin kéyinki tunji xitay ziyaritining, ikki dölet otturisida özara chüshinish we ishenchni kücheytidighanliqini, oxshimighan sahelerdiki hemkarliqlarni téximu chongqurlashturidighanliqini  we özara munasiwetlerni tereqqiy qilduridighanliqi üchün muhim purset ikenlikini tekitligen.

u bu yilning (2022) gérmaniye-xitay  diplomatik munasiwet ornatqanliqining 50-yili ikenlikini xatirilitip, aridin ötken 50 yilning, ikki terep otturisida özara hörmet qilishni, oxshimasliqlarni qoghdap ortaq asas berpa qilishni, bir-biridin öginishni we özara tesir qilishni, ortaq menpeetke tayanghan hemkarliqlarni dawamlashturghan ehwalda, özara munasiwetlerning toghra yolda tereqqiy qilidighanliqini ispatlighanliqini eskertken.

gérmaniye bash ministiri sholz wuxen wirusi (Kovid-19) bashlanghandin buyan xitayni ziyaret qilghan G7 dölet guruhigha eza tunji dölet rehbiri, shundaqla xitay kompartiyesining ötken hepte (2022-yili 22-öktebir) axirlashqan 20-qurultiyidin kéyin xitayni ziyaret qilghan tunji chet el rehbiri bolup qaldi.

xitay reisi shi jinping besh yilda bir qétim ötküzülidighan kompartiye qurultiyida yene bir qétim kompartiye merkiziy komitétining sékritari bolup saylinip, maw zédongdin kéyin partiye rehberlikini ikki nöwettin köp üstige alghan tunji xitay bolup qaldi.