nensi pélosining yoldishini urup yaridar qilghan dawid dépapé sot qilindi

amérika awam palatasi bashliqi nensi pélosi xanimning 82 yashliq yoldishi paul pélosigha hujum qilghan dawid dépapé tutup turup sot qilinishqa höküm qilindi.

1900856
nensi pélosining yoldishini urup yaridar qilghan dawid dépapé sot qilindi

türkiye awazi radiyosi xewiri: sanfiransiskodiki yuqiri sot mehkimisi nensi pélosi xanimning öyige bésip kirish, yoldishini urush we awam palatasi bashliqini görüge tutup kétishke urunush jinayiti bilen eyiblengen 42 yashliq jinayet gumandari dépapéni képillikke bérilmestin sot qilinishqa höküm qildi.

sotning höjjitige asaslanghanda, dépapéning «özini öltürüwélish wezipiside» ikenlikini, kaliforniye we fédératsiye siyasionlirini hujum nishani qilishni pilanlighanliqini éytqanliqi royxetke élindi.

shimaliy kaliforniye rayonluq teptish mehkimisi teripidin hujum qilish we tutup kétishke urunush jinayetliri bilen eyiblengen dépapéning adwokati adam lipson, uning gunahsiz ikenlikini we rohiy halitini tekshürüsh kéreklikini bildürdi.  

dépapé jüme küni (28-öktebir) qilghan hujumdin kéyin, tunji qétim apélsin renglik türme kiyimliri bilen xelqning aldigha chiqti.

dépapé jüme küni shu yerning waqti 02:27 de nensi pélosining öyige bésip kirip, paul pélosining béshigha bolqa bilen urup éghir yarilandurghan idi.

amérika metbuatlirigha bayanat bergen we ismini ashkarilashni xalimighan bir mesul, paul pélosigha hujum qilghan kishining «pélosi nede?» dep sorighanliqini, paul pélosini baghlashqa urunush esnasidimu «biz emdi nensini saqlaymiz» dégenlikini bildürgen idi.

dépapéning amérika dölet xadimini hujum nishani qilghanliqi üchün 20 yilliq, yoldishigha hujum qilghanliqi üchün 30 yilliq qamaq jazasigha höküm qilinishi mumkinliki bildürülmekte.


خەتكۈچ: #sot , #hujum , #nensi pélosi

مۇناسىۋەتلىك خەۋەرلەر