yawropa ittipaqi komitéti: türkiye – yawropa ittipaqi otturisida mislisiz hemkarliq bar
yawropa ittipaqi komitétining kéngish ishlirigha mesul komissari oliwér warxéli türkiye bilen yawropa ittipaqi otturisida tengpung soda munasiwetliri we mislisiz hemkarliq barliqini éytti.
türkiye awazi radiyosi xewiri: türkiye sélinma munbiri, istanbulda ötküzülgen türkiye – yawropa ittipaqi yuqiri derijilik soda söhbet yighinida tonushturuldi.
yawropa ittipaqi komitétining kéngiyish ishlirigha mesul komissari oliwér warxéli, yighinda qilghan sözide, türkiyening, yawropaning muhim iqtisadiy hemrahi, yawropa ittipaqigha namzat dölet we shimaliy atlantik ehdi teshkilatidiki muhim ittipaqdishi ikenlikini otturigha qoydi, hemde türkiye-yawropa ittipaqi munasiwetlirining muhim burulush nuqtisida turuwatqanliqini tekitlidi.
yawropa ittipaqi komitétining ijabiy küntertip bilen türkiyege yéqindin köngül bölidighanliqini bayan qilghan warxéli, yéza igilik, kilimat özgirishi, köchmenler we ammiwi saghlamliq mesililiride qisqa waqit ichide türkiye bilen tetqiq qilish – tereqqiy qildurush we yéngiliq yaritish toghrisida söhbet bashlaydighanliqlirini eskertip mundaq dédi: «türkiye yawropa ittipaqining altinchi chong soda hemrahi, yawropa ittipaqi bolsa türkiyening birinchi chong soda hemrahi. ötken yilila soda miqdari 157 milyard yawrogha yetti. türkiye bilen yawropa ittipaqi otturisida tengpung soda munasiwetliri we mislisiz hemkarliq bar.»
