yéngi zélandiyede ayal parlamént ezalirining sani erlerningkidin éship ketti
yéngi zélandiye tarixida tunji qétim ayal parlamént ezalirining sani köp sanliqqa yetti.
türkiye awazi radiyosi xewiri: ishchilar partiyesidiki soraya pék-mason ilgiri irélandiye bash elchisi bolup teyinlengen tréwor mallardning parlamént bashliqliqi wezipisini tapshuruwalghandin kéyin, ayal parlamént ezalirining sani erlerningkidin éship ketti.
parlaménttiki bu özgirishlerdin kéyin, ayal parlamént ezalirining sani 60 qa yétip, erlerning sani 59 gha chüshti.
pék-mason muxbirlargha bergen bayanatida, «bügün men üchün alahide bir kün bolupla qalmay, yéngi zélandiye üchünmu tarixiy ehmiyetke ige bir kün boldi, dep qaraymen» dédi.
parlaméntlar ara ittipaq (PAB) ning sanliq melumatlirigha asaslanghanda, yéngi zélandiye bu yil parlaméntta kem dégende %50 ayal parlamént ezasi bolghan 6 dölet qataridin orun alghan.
bu nisbetke ige bashqa döletler bolsa, kuba, méksika, nikaragua, riwanda we ereb birleshme xelipilikidur.
dunya miqyasida bolsa, omumiiy parlamént ezalirining texminen %26 i ayallardin teshkil tapidu.
