зеленский: «биз украинаниң мустәқиллиқини қоғдидуқ, русийә буни һәргиз өзгәртәлмәйду»
украина пирезиденти володимир зеленский русийәниң һуҗумиға қарита, «биз украинаниң мустәқиллиқини қоғдидуқ, русийә буни һәргиз өзгәртәлмәйду» деди.
түркийә авази радийоси хәвири: зеленский телеграмма һесабида һәмбәһирлигән синлиқ учурида, бүгүн русийә билән украина оттурисидики урушниң давамлишиватқиниға 8 ай болғанлиқини әскәртти.
зеленский русийәниң дөлитигә қилған һуҗумлириға қаримай, украинаниң мустәқиллиқини қоғдиғанлиқини, русийә қисимлири тишғал қилған йәрләрни қайтуруп елишни давамлаштуриватқанлиқини билдүрүп, «биз дөлитимизниң мустәқиллиқини қоғдидуқ, русийә буни һәргиз өзгәртәлмәйду. украинаниң земинлирини қәдәмму-қәдәм азад қиливатимиз» деди.
зеленский херсон, харкив, донетсик, луханск, зарпориҗйа, қирим вә украинаниң барлиқ районлирини азад қилиш үчүн күрәш қиливатқанлиқини тәкитләп, «барлиқ украина азад болидиған вақит келиду» деди.
зеленский русийә билән иранниң бүгүнки күндә украинани ғәрб дөләтлиригә қарши бир қисим асассиз әйибләшләр билән шикайәт қилишқа уруниватқанлиқини, әмма буниңда мәғлуп болушқанлиқини, әслидә әмдиликтә дунйаниң русийәгә ишәнмәйдиғанлиқини әскәртип, «русийәдә мәғлубийәт туйғуси барғанчә күчийиватиду» деди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
