fahrettin altun islam hemkarliq teshkilati 12 – nöwetlik yighinida muhim tekliplerni berdi

jumhur reislik uchur - alaqe idarisi bashliqi fahrettin altun islam düshmenlik we médya mustemlikichiliki tüzimige qarshi ittipaqliq ichide ünümlük we köp tereplimilik küresh qilish kéreklikini éytti.

1896333
fahrettin altun islam hemkarliq teshkilati 12 – nöwetlik yighinida muhim tekliplerni berdi

türkiye awazi radiyosi xewiri: jumhur reislik uchur - alaqe idarisi bashliqi fahrettin altun tetur teshwiqat we islam düshmenlikining xelqarada axbarat we uchur asasida qurulghan mustemlikichilik tüzimini yolgha qoyuwatqan istratégiyelerning birige aylanghanliqini tekitlep, «bu mustemlikichilik tüzimige qarshi ittipaqliq ichide ünümlük we köp tereplimilik küresh qilishimiz kérek» dédi.

fahrettin altun türkiyening sahibxanliqida istanbulda 48 dölettin kelgen ministirlar we yuqiri derijilik wekillerning ishtirak qilishi bilen ötküzüliwatqan islam hemkarliq teshkilati 12 - nöwetlik uchur - alaqe ministirliri yighinidin kéyinki  muxbirlarni kütüwélish yighinida söz qildi.

fahrettin alton dölet, rayon we xelqara sewiyede duch kelgen xirislarning muhim bir qisimining axbarat, médya we uchur saheside ikenlikini tilgha élip, bu xirislarni yéngishning eng muhim qoralining dost döletler otturisida berpa qilinidighan hemkarliq we maslishish ikenlikini otturigha qoydi.

fahrettin alton «heqiqettin halqighan dewrde tetur teshwiqat we islam düshmenlikige qarshi küresh» témisida ötküzülgen yighinda yene, tashlinidighan ortaq qedemlerni muzakire qilghanliqini bildürüp, «shek-shübhisizki, tetur teshwiqat we islam düshmenliki xelqarada axbarat we uchur asasida qurulghan mustemlikichilik tüzimi yolgha qoyuwatqan istratégiyelerning birige aylandi. shunga biz bu mustemlikichilik tüzimige qarshi ünümlük we köp tereplimilik küresh qilishimiz lazim» dédi.

fahrettin alton heqiqettin halqighan dewrde tetur teshwiqat we islam düshmenlikige qarshi küreshning qisqa, ottura we uzun muddetlik istratégiyege éhtiyaji barliqini tekitlep, «bu yönilishte  qanunluq ul eslihelerni kücheytishtin bashqa yene, médya oqurmenliki we yazghuchiliqini kéngeytish, delillesh méxanizmini tereqqiy qildurush jehette ortaq nishanni otturigha qoyduq» dédi.



مۇناسىۋەتلىك خەۋەرلەر