pakistan kelkün qurbanlirining aile - tawabiatlirigha tölem töleydighanliqini uqturdi
pakistan hökümiti kelkün apitide qaza qilghan yaki yarilanghanlarning aile-tawabiatlirigha tölem bérilidighanliqini uqturdi.
türkiye awazi radiyosi xewiri: pakistan bash ministiri shahbaz sherif paytext islamabadta bayanat bérip, hökümetning kelkünde hayatidin ayrilghanlarning aile-tawabiatlirigha 4522 dollar tölem bérilidighanliqini؛ kelkünning tesirige uchrighanlargha 316 milyon dollar tarqitilidighanliqini, yarilanghanlarning aile-tawabiatlirighamu tölem bérilidighanliqini bildürdi.
qishning yéqinlap qalghanliqigha isharet qilghan sherif, xitay hökümitining qish pesli üchün chédir ewetidighanliqini qeyt qildi.
pakistanda yaz boyiche dawamlashqan qattiq yamghur peyda qilghan kelkün apitide 643 nepiri kichik bala, 348 nepiri ayal bolup jemiy 1725 kishi qaza qilghan, 2 milyon 200 ming öy, 13 ming kilométir yol buzulghan, 435 köwrük weyran bolghan, 1 milyon 100 ming toyaq mal – charwa nabut bolghanidi.
