ukrainaliq 108 ayal esir qoyup bérildi
ukraina pirézidéntliq mehkimisi ishxanisi bashliqi andri yérmak, rusiye bilen tüzülgen esir almashturush kélishimige asasen, köp sanliqi esker bolup 108 ukrainaliq ayalning qoyup bérilgenlikini uqturdi.
türkiye awazi radiyosi xewiri: andréy yérmak özining ijtimaiy taratqudiki adrésida bayanat élan qilip: «108 ayalni asarettin qutuldurduq» dédi.
esir almashturush musapisige hesse qoshqan kishi we tereplerge minnetdarliq bildürgen yérmak, qoyup bérilgen esir ayallarning 37sining azowtsal zawuti urushigha qatnashqan jengchiler, 12 nepirining puqra ikenlikini bildürdi.
rusiye dölet mudapie ministirliqining bu heqtiki bayanatidimu, ukraina bilen tüzülgen esir almashturush kélishimi dairiside 72 neper matrosni öz ichige alghan 110 rusiye puqrasining qoyup bérilgenliki otturigha qoyuldi.
bayanatta, qoyup bérilgen kishilerning ministirliqning ayropilanliri bilen paytext moskwagha yötkilip, zörür bolghan tébbiy we pisxikiliq yardemlerning bérilgenliki qeyt qilindi.
10-ayning 11-küni rusiye bilen ukraina otturisida ishqa ashurulghan esir almashturushta 32 ukraina eskiri qoyup bérilgen, urushta hayatidin ayrilghan 62 kishining jesiti kiyéw hökümitige tapshurup bérilgenidi.
مۇناسىۋەتلىك خەۋەرلەر
michotaks türkiyege kélidu
girétsiye bash ministiri kériyakos michotakis paytext enqerede dölet ishliri ziyaritide bolidu.
