nato ukrainagha téximu köp hawa mudapie sistémiliri bérishni qarar qildi

nato dölet mudapie ministirliri ukrainagha herbiy yardem qilish, qoral-yaragh ishkilatlirini toshquzush we muhim ul-eslihelerni qoghdash qatarliq mesililerni muzakire qilghan yighin, ikkinchi künige qedem qoydi.

1892289
nato ukrainagha téximu köp hawa mudapie sistémiliri bérishni qarar qildi

türkiye awazi radiyosi xewiri: nato bash katipi stolténbérg bilen amérika dölet mudapie ministiri lloyd ostin bélgiye paytexti biryussélda échilghan nato mudapie ministirlirining ikkinchi künidiki yighin bashlinishtin ilgiri, ortaq axbarat élan qildi.

bash katip stolténbérg nato ittipaqdashlirini öz ichige alghan 50 dölet qatnashqan ukraina mudapie alaqilishish guruppisidin chiqqan ukrainagha «téximu köp hawa mudapie sistémisi bérish» dégen qararning muhimliqini tekitlidi.

u b d t omumiy kéngishidin chiqirilghan we rusiyening ukraina zéminlirini qanunsiz qoshuwalghanliqini eyibligen qararni qizghin qarshi alidighanliqlirini eskertip, buning qaide-pirinsiplarni asas qilghan xelqara tertipni qoghdash nuqtisidin intayin muhimliqini bildürdi.

amérika dölet mudapie ministiri ostin bash katip stolténbérgning b d t omumiy kéngishining qarari toghrisidiki sözige qoshulidighanliqini éytti.

u ukrainani bolghan qollashning dawamlishidighanliqini qayta tekitlep, natodiki ittipaqdashlarning qollashni ashuridighanliqi toghrisidiki bayanliridin memnunluq hés qilghanliqini bildürdi.

u özlirining yéqin kelgüside shiwétsiye we finlandiyening natogha eza bolghanliqini körüshni ümid qilidighanliqlirini eskertti.

nato dölet mudapie ministirliri yighinining bügünki (13-öktebir) ikkinchi künidiki yighinida, natoning yadro pilanlash guruppisi bir yerge jem bolidu. buningdin bashqa, natogha eza bolushni iltimas qilghan shiwétsiye we finlandiyening qatnishishi astida, shimaliy atlantik kéngishi ministirlar yighinimu ötküzülidu.



مۇناسىۋەتلىك خەۋەرلەر