zélénskiy: rusiye bizni yoqitishqa urunuwatidu

türkiye awazi radiyosi xewiri: pirézidént wolodimir zélénskiy paytext we bashqa sheherlerde yüz bergen partlashlardin kéyin tunji bayanatini élan qildi.

u bayanatida: «urushning 229-künide bizni yoqitishqa, yer yüzidin yoqitishqa tirishmaqta. zaporizhyada öyliride uxlawatqanlarni, kiyéwde ishqa mangghanlarni öltürdi. nahayiti epsuski jénidin ayrilghanlar we yarilanghanlar bar. panahliniwatqan jaylardin chiqmasliqinglarni soraymen» dédi.

kiyéw sheher bashliqi witaliy klichko télégramma adrésida: «tehdit sélish dawamlishiwatidu. paytextning barliq puqraliri panahlinish jayliridin chiqmasliqi kérek. xewpsizlik tarmaqliri kiyéwning merkizi kochilirini qatnashqa toxtatti, izdesh-qutquzush iizmetliri dawam qiliwatidu» dep uchur hembehirlidi.

ukraina taratquliri bügün etigende (10-öktebir) kiyéw, lwiw we dnipro sheherlirige hujum qilinghanliqini xewer qildi.