ukrainada partlash bilen tang atti

türkiye awazi radiyosi xewiri: kiyéw sheher bashliqi witaliy klichko sheher merkizidiki shéwchénkiwsk mehelliside arqa-arqidin partlash yüz bergenliki bildürdi.

u télégram adrésida uchur hembehirlep: «shéwchénkiwsk mehelliside, paytextning merkizide bir qanche partlash yüz berdi. kéyinche tepsiliy melumat bérilidu» dédi.

ukraina taratquliridiki xewerlerde bildürülishiche, paytext kiyéwde üch yaki töt partlash yüz bergen.

ukraina ichki ishlar ministirliqining bayanatida mundaq déyildi:

«kiyéwgha chüshken rakétalardin biri xewpsizlik tarmaqliri jaylashqan kochigha chüshti. pirézidént wolodimir zélénskiyning ishxanisi mushu jayda.»

qeyt qilnishiche, kiyéwdiki partlashlarda sekkiz kishi jénidin ayrilghan.

ukraina ichki ishlar ministirliqi partlashlarda 24 kishining yarilanghanliqini bildürgen.