ukrainaning zaporijya yadro éléktr istansisi jiddiy endishe yaratmaqta
xelqara atom énérgiye orgini toqunush sewebidin ukrainadiki zaporijya yadro éléktr istansisining tokining üzülgenlikini élan qildi.
türkiye awazi radiyosi xewiri: xelqara atom énérgiye orgini reisi rafail mariyano grossi yazma bayanatida, istansigha sirtqi énérgiye menbesidin tok yetküzidighan liniyening hujumlar sewebidin ziyangha uchrighanliqini, istansigha sirttin tok éqishining toxtighanliqini, bu wejidin réaktorni sowutush we yadro bixeterliki üchün génératorlarning jiddiy heriketke ötküzülgenlikini élan qildi.
grossi yadro éléktr istansisining weziyitining kündin-künge nacharlishiwatqanliqini, kéchide yüz bergen herbiy toqunush netijiside istansining tok ulinishining késilgenlikini éytti.
xelqara atom énérgiye orgini reisi grossi istansidiki réaktorni sowutush we yadro bixeterliki shundaqla amanliqigha kapaletlik qilish üchün génératorlarni jiddi heriketke sélishqa mejbur bolghanliqini tekitlidi.
grossi génératorlarning aran 10 künlük yéqilghusi qalghanliqini, istansining tashqi énérgiye menbesidin üzülüp qélishining qattiq endishige salidighan ehwal ikenlikini bildürüp, bu ehwalning zaporojya yadro éléktr istansisi we etrapida qorallardin xaliylashturulghan bir yadro bixeterlik rayoni qurushni jiddiy teqezza qiliwatqanliqini éytti.
grossi: «istansining tashqi énérgiye menbesige ziyan yetkeüzgen bomba partilashlarning qaytidin bashlinishi intayin mesuliyetsizliktur. zaporojya yadro éléktr istansisini choqum qoghdash kérek. yadro palakitining aldini élish üchün bixeter rayon qurush mutleq we jiddiy éhtiyajdur» dédi.
