olaf sholz rusiyeni agahlandurdi

türkiye awazi radiyosi xewiri: gérmaniye bash ministiri olaf sholz, chéxiyening paytexti piragada chaqirilghan yawropa ittipaqining gheyri resmiy bashliqlar yighinidin kéyin bayanat bérip: «yadro qorallirining ishlitilishini qobul qilghili bolmaydu» dédi.

rusiyening bu xil tehditlirige éniq jawab bérishning muhimliqini bildürgen sholz: «buning jawabi <bundaq qilish dunya üchün xeterliktur, hemme buningdin waz kéchishi kérek> dégendin ibarettur» dédi.

u, bashliqlar yighinida eng yéngi tereqqiyatlarning muzakire qilghanliqini, ukrainagha qiliniwatqan siyasiy, iqtisadiy we herbiy yardemlerning dawamlashturulushining tekitlengenlikini eskertip: «biz piragadin éniq uchur bérimizki؛ yawropa döletliri ukrainaning yénida tewrenmey turidu. biz ukrainaning igilik hoquqi we zémin pütünlükini qoghdishini dawamliq qollaymiz» dégenlerni qeyt qildi.

sholz, yawropa döletlirining rusiyening aldinqi ayda talash-tartishliq référandum (omumiy xelq bélet tashlash paaliyiti) ötküzüp ukrainaning sherqiy zéminlirini qanunsiz igiliwélishini hergiz étirap qilmaydighanliqini tekitlep: «bizge nisbeten bu saxta référandumlar inawetsizdur» dédi.