запорижйаға қилинған башқурулидиған бомба һуҗумида өлгәнләрниң сани ашти

түркийә авази радийоси хәвири: запорижйа шәһәрлик кеңиши катипи андрий куртев твиттерда байанат елан қилип, русийә күчлири түнүгүн башқурулидиған бомба атқан запорижйа шәһиридә давамлишиватқан издәш-қутқузуш хизмәтлири тоғрисида мәлумат бәрди.

у: «11 кишиниң җенидин айрилғанлиқи билинмәктә. әң аз дегәндә 15 кишиниң йоқап кәткәнлики пәрәз қилинмақта» деди.

запорижйа районлуқ һәрбий ишлар идарисиниң рәсмий телеграм адресида елан қилинған түнүгүнки байанатида, русийә күчлириниң башқурулидиған бомба һуҗумида үч кишиниң җенидин айрилғанлиқи, 12 кишиниң йариланғанлиқи билдүрүлгән иди.