zaxarowa zéléniskiyning «söhbet ötküzmeslik qarari»gha «chiqmas yol» dep baha berdi

rusiye, ukraina pirézidénti wiladimir zélénskiyning «rusiye pirézidénti wiladimir putin bilen söhbet ötküzüshning mumkin emesliki» toghrisidiki qararnamesige «chiqmas yol» dep baha berdi.

1889993
zaxarowa zéléniskiyning «söhbet ötküzmeslik qarari»gha «chiqmas yol» dep baha berdi

türkiye awazi radiyosi xewiri: rusiye tashqi ishlar ministirliqi bayanatchisi mariya zaxarowa paytext moskwada ötküzgen heptilik muxbirlarni kütüwélish yighinida: «bu zélénskiyning chiqmas yoli. biz ezeldin söhbettin waz kechmiduq, meydanimizni éniq otturigha qoyduq. emma, kiyéw we gherb perwasizliqini namayan qilish arqiliq buningdin waz kechti. éniqki, ular jeng meydanida ghelibe qilmaqchi boldi, bizning nishanimizdin waz kéchishimizni ümid qildi» dédi.

zaxarowa, mezkur qararnamening gherbning buyruqi bilen imzalanghanliqini ilgiri sürüp, rusiyening, gherbning ukrainani qoral - yaragh bilen teminlishige qarimay, bixeterlikke munasiwetlik tehditlerge qarshi turidighanliqini éytti.

u, ukrainaning shimaliy atlantik ehdi teshkilati — natogha tézrek kirishni iltimas qilghanliqini, bu qararning amérika we uning ittipaqdashlirini qiyin ehwalgha chüshürüp qoyghanliqini eskertti.

bayanatchi mariya raxarowa, «hemmeylen bu ehwalda natoning (eza döletler hujumgha uchrighan herqandaq eza döletke yardem béridu, dégen) 5-maddisini tetbiqlashqa toghra kélidighanliqini bilidu. bundaq qilish natoni mesilining teripige aylanduridu. bu intayin éghir we xeterlik mesile» dégenlerni sözlirige ilawe qildi.


خەتكۈچ: #uyghurche , #ukraina , #rusiye

مۇناسىۋەتلىك خەۋەرلەر