захарова зеленискийниң «сөһбәт өткүзмәслик қарари»ға «чиқмас йол» дәп баһа бәрди

русийә, украина пирезиденти виладимир зеленскийниң «русийә пирезиденти виладимир путин билән сөһбәт өткүзүшниң мумкин әмәслики» тоғрисидики қарарнамәсигә «чиқмас йол» дәп баһа бәрди.

1889993
захарова зеленискийниң «сөһбәт өткүзмәслик қарари»ға «чиқмас йол» дәп баһа бәрди

түркийә авази радийоси хәвири: русийә ташқи ишлар министирлиқи байанатчиси марийа захарова пайтәхт москвада өткүзгән һәптилик мухбирларни күтүвелиш йиғинида: «бу зеленскийниң чиқмас йоли. биз әзәлдин сөһбәттин ваз кәчмидуқ, мәйданимизни ениқ оттуриға қойдуқ. әмма, кийев вә ғәрб пәрвасизлиқини намайан қилиш арқилиқ буниңдин ваз кәчти. ениқки, улар җәң мәйданида ғәлибә қилмақчи болди, бизниң нишанимиздин ваз кечишимизни үмид қилди» деди.

захарова, мәзкур қарарнамәниң ғәрбниң буйруқи билән имзаланғанлиқини илгири сүрүп, русийәниң, ғәрбниң украинани қорал - йарағ билән тәминлишигә қаримай, бихәтәрликкә мунасивәтлик тәһдитләргә қарши туридиғанлиқини ейтти.

у, украинаниң шималий атлантик әһди тәшкилати — натоға тезрәк киришни илтимас қилғанлиқини, бу қарарниң америка вә униң иттипақдашлирини қийин әһвалға чүшүрүп қойғанлиқини әскәртти.

байанатчи марийа рахарова, «һәммәйлән бу әһвалда натониң (әза дөләтләр һуҗумға учриған һәрқандақ әза дөләткә йардәм бериду, дегән) 5-маддисини тәтбиқлашқа тоғра келидиғанлиқини билиду. бундақ қилиш натони мәсилиниң тәрипигә айландуриду. бу интайин еғир вә хәтәрлик мәсилә» дегәнләрни сөзлиригә илавә қилди.



مۇناسىۋەتلىك خەۋەرلەر