yawropa ittipaqi émbargo dairisini kéngeytti

türkiye awazi radiyosi xewiri: yawropa ittipaqi kéngishi rusiyege yürgüzülidighan émbargolarning kéngeytilgenliki toghrisida yazma bayanat élan qildi.

bayanatta bildürülishiche, émbargo tizimlikige, ukrainaning töt rayonida saxta référandum ötküzüshke qatnashqanlar, rusiye dölet mudapie ministirliqining yuqiri derijilik emeldarliri, urushqa munasiwetlik tetür teshwiqat qilghan qoral yasash shirkiti «JSC» kalashnikowning eng chong paychek hessidari alan lushnikow, rusiyening ilgiriki we hazirqi muawin dölet mudapie ministirliri, siyasiyshunas aléksandér dugin, naxshichilardin yuliya chichérina we nikolay rastorguyéw qatarliq kishiler kirgüzülgen.

shirket we organlardin, rusiye armiyesini qoral-yaragh yaki ayropilan bilen teminligen mudapie sanaiti shirketliri, référandum we saylam ishlirigha mesul rusiye fédératsiye merkiziy saylam komitéti, dölet igilikidiki bixeterlik mehsulatlirini ishlepchiqirishqa mesul hessidarliq shirket «JSC» goznak qatarliqlar kirgüzülgen.

buning bilen, yawropa ittipaqi rusiyediki jemiy 1236 kishi we 115 organgha émbargo yürgüzgen boldi.

émbargo yürgüzülgen kishilerning mal-mülki tonglitilidu, yawropa ittipaqi puqraliri we shirketlirining bu kishilerni fond bilen teminlishi meni qilinidu. yene bu kishilerning yawropa ittipaqigha kirishi we zéminliridin ötüshi cheklinidu.