yaponiyemu rusiyege émbargo dairisini kéngeytti

rusiye pirézidénti wladimir putinning ukrainaning xérson, zaporizhya, luxansk we donétsk rayonlirini qoshuwélish qararnamesini imzalighanliqigha qarshi naraziliqlar dawamlishiwatqan bir waqitta, yaponiyedin rusiyege qoshumche émbargo yürgüzüsh qarari keldi.

1889990
yaponiyemu rusiyege émbargo dairisini kéngeytti

türkiye awazi radiyosi xewiri: yaponiye hökümiti moskwaning ukrainaning töt rayonini qoshuwélishigha chétishliq 81 kishi we toqquz organning mal-mülkini tonglitish qararini testiqlidi.

qararning, töt rayonni qoshuwélishigha chétishliq bolghan ukrainaning sherqiy we jenubidiki rusiyeperes bölgünchiler bilen yuqiri derijilik hökümet mesulliri hemde herbiy organlarni öz ichige alidighanliqi qeyt qilindi.

yaponiye kabéntining muawin bash katipi séyji kixara rusiyening «référandum» we «birlishish» dep nam bergen heriketlerning, ukrainaning igilik hoquqigha we zémin pütünlükge, shundaqla xelqara qaungha xilap ikenlikini bildürdi.

buningdin ilgiri nurghun rusiye puqrasi we idare-organlarning mal-mülüklirini tonglatqan, ukrainagha insanperwerlik yardimi qilghan yaponiye, rusiyedin kömür import qilishni qedem-basquchluq halda toxtitidighanliqini élan qilghan idi.

yaponiye yene, urush sewebidin ukrainadin ayrilishqa mejbur bolghanlargha ishikini achqan idi.



مۇناسىۋەتلىك خەۋەرلەر