amérika: iranliq ikki ministirgha émbargo yürgüzülidu

amérika qoshma ishtatliri irandiki namayishlar esnasida namayishchilargha zorawanliq qilghanliqi sewebidin bu döletning ichki ishlar ministiri ehmed wahidi bilen uchur - alaqe ishliri ministiri éysa zaréporgha émbargo yürgüzülidighanliqini uqturdi.

1889971
amérika: iranliq ikki ministirgha émbargo yürgüzülidu

türkiye awazi radiyosi xewiri: amérika maliye ministirliqi teripidin élan qilinghan bayanatta, iranda, 22 yashliq mahsa aminining namuwapiq hijablanghan dégen seweb bilen qolgha élinghandin kéyin ölüp kétishi tüpeyli tinch namayish ötküzgen namayishchilargha zorawanliq qilish we torni taqash qatarliq qilmishlarning jawabkari bolghan dairilerning «émbargo yürgüzülidighanlar tizimliki» ge kirgüzülgenliki bildürüldi.

bayanatta, tashqi mal - mülüklerni kontrol qilish ishxanisi (OFAC)  teripidin, iranning ichki ishlar ministiri wahidi we uchur - alaqe ishliri ministiri zarépor qatarliq 7 hökümet we bixeterlik orgini emeldarining  «émbargo yürgüzülidighanlar tizimliki» ge kirgüzülgenliki qeyt qilindi.


خەتكۈچ: #namayish , #iran , #amérika

مۇناسىۋەتلىك خەۋەرلەر