америка: иранлиқ икки министирға ембарго йүргүзүлиду

америка қошма иштатлири ирандики намайишлар әснасида намайишчиларға зораванлиқ қилғанлиқи сәвәбидин бу дөләтниң ички ишлар министири әһмәд ваһиди билән учур - алақә ишлири министири ейса зарепорға ембарго йүргүзүлидиғанлиқини уқтурди.

1889971
америка: иранлиқ икки министирға ембарго йүргүзүлиду

түркийә авази радийоси хәвири: америка малийә министирлиқи тәрипидин елан қилинған байанатта, иранда, 22 йашлиқ маһса амининиң намувапиқ һиҗабланған дегән сәвәб билән қолға елинғандин кейин өлүп кетиши түпәйли тинч намайиш өткүзгән намайишчиларға зораванлиқ қилиш вә торни тақаш қатарлиқ қилмишларниң җавабкари болған даириләрниң «ембарго йүргүзүлидиғанлар тизимлики» гә киргүзүлгәнлики билдүрүлди.

байанатта, ташқи мал - мүлүкләрни контрол қилиш ишханиси (OFAC)  тәрипидин, иранниң ички ишлар министири ваһиди вә учур - алақә ишлири министири зарепор қатарлиқ 7 һөкүмәт вә бихәтәрлик оргини әмәлдариниң  «ембарго йүргүзүлидиғанлар тизимлики» гә киргүзүлгәнлики қәйт қилинди.



مۇناسىۋەتلىك خەۋەرلەر