зелениский украинаниң бәзи җайлириниң игиливелинишиниң инавәтсизлики тоғрисида қарарнамә чиқарди
украина пирезиденти виладимир зеленский қарарнамә елан қилип, дөлитиниң бәзи җайлириниң русийә тәрипидин игиливелинишиниң инавәтсиз икәнликини җакарлиди.
түркийә авази радийоси хәвири: пирезидент виладимир зеленский, русийә пирезиденти виладимир путинниң 2014- йилидин буйан қиримни өз ичигә алған донетсики, лухански, херсон вә запорижйа районлирини русийәгә қошувелиш қарариниң инавәтсиз икәнлики тоғрисида қарарнамә елан қилди.
украина пирезидентлиқ мәһкимисиниң интернет сәһиписидә елан қилинған йазма байанатта, путинниң 2014 – йилидин буйан имзалиған қарарнамәлири йаки уларниң роһиға асасән чиқирилған башқа қарар, сийасәт вә келишимләрниң инавәтсиз икәнлики, уларниң һечқандақ қанунийлиқи йоқлуқи тәкитләнди.
зеленский түнүгүн украина дөләт бихәтәрлик кеңиши тәрипидин тәййарланған пәрманға имза қойуп , 24 – февралдин буйан давамлишиватқан русийә – украина урушида тоғрисида русийә президенти путин билән сөһбәтлишишниң мумкин әмәсликини мәзмун қилған украина дөләт бихәтәрлик кеңишиниң қарарнамәсини имзалиғаниди.
русийә, қирим (2014), донетсики, лухански, херсон вә запорижйа қатарлиқ украина земинлириниң тәхминән 15 пирсәнтини өз земиниға қошувалди.
пирезидент виладимир путин билән русийә тәрәпдари аталмиш һөкүмәтләрниң башлиқлири 30- сентәбир пайтәхт москвада мурасим өткүзүп, украинаниң донетсики, лухански, херсон вә запорижйа районлириниң русийәгә қошулуши тоғрисида келишим имзалиғаниди.
