афғанистан ички ишлар министирлиқиниң җамәсидә партлаш йүз бәрди

афғанистанниң пайтәхти кабулда талибан мувәққәт һөкүмити ички ишлар министирлиқиниң җамәсидә пишин намизидин кейин шиддәтлик партлаш йүз бәрди.

1888864
афғанистан ички ишлар министирлиқиниң җамәсидә партлаш йүз бәрди

түркийә авази радийоси хәвири: афғанистан ички ишлар министирлиқи байанатчиси абдуннафи такур мәтбуат мәнсуплириға байанат берип, партлашниң йүз бәргәнликини җәзмләштүрди.

тақур, партлашта адәм өлүш йаки йарилиниш әһвалиниң йүз бәргән – бәрмигәнлики тоғрисида мәлумат бериштин өзини қачуруп, вәқәниң тәкшүрүлүватқанлиқини ейтиш биләнла купайиләнди.

талибан күчлири ички ишлар министирлиқиниң кириш еғизлирини тақап бихәтәрлик тәдбирлирини күчәйтти, мухбирларниң нәқ мәйданға берип сүрәткә елишиға рухсәт қилинмиди.

җүмә күни кабулниң шиә һазаралар йашайдиған дәшти бәрчи мәһәллисидики бир мәктәптә партлаш йүз берип 46 нәпири қиз оқуғучилар болуп җәмий 53 киши қаза қилғаниди.



مۇناسىۋەتلىك خەۋەرلەر