путин украинаниң төт районини игиливелиш тоғрисидики қанунларни имзалиди

русийә пирезиденти виладимир путин украинаниң донетсики, лухански, херсон вә запорожйа районлириниң қошувелинишиға мунасивәтлик қанунларни имзалиди.

1888681
путин украинаниң төт районини игиливелиш тоғрисидики қанунларни имзалиди

түркийә авази радийоси хәвири: русийә пирезидентлиқ мәһкимиси — киремил байанат елан қилип, путинниң украинаниң донетсики, лухански, херсон вә запорожйа районлириниң русийәгә қошулуп кетишигә мунасивәтлик қанунларни имзалиғанлиқини, бу қанунларниң роһиға асасән, мәзкур районларда йашайдиған аһалиниң русийә пуқраси дәп қарилидиғанлиқини билдүрди.

буниңдин башқа, путин қарарнамәләрни мақуллап, мәзкур районларға вақитлиқ пирезидент вә валийларни тәйинлиди.

игилинишичә, путин тәрипидин имзаланған мәзкур қанунлар 10 күндин кейин күчкә игә болидикән.

русийә пирезиденти виладимир путин украинаниң донетсики, лухански, херсон вә запорожйа районлирини русийәгә қошувелиш тоғрисидики алақидар һөҗҗәтләрни 30 – сентәбирдә имзалиғаниди.

русийә парламентиниң төвән қанити —  дума, мәзкур төт районниң русийә тәрипидин қошувелинишиға мунасивәтлик қанунларни 3-өктәбир қобул қилған, парламентниң йуқири қанити болған федератсийә кеңиши түнүгүн қанунларни тәстиқлиғаниди.



مۇناسىۋەتلىك خەۋەرلەر