кремил: армийәмиз чекингән районларни қайтурувалимиз

русийә кремил сарийи байанатчиси дмитрий песков русийә армийәси украинадин чекингән олтурақ районларниң қайтурувелинидиғанлиқини ейтти.

1888914
кремил: армийәмиз чекингән районларни қайтурувалимиз

түркийә авази радийоси хәвири: кремел байанатчисидмитрий песков пайтәхт москвада мухбирларға қилған сөзидә, пирезидент владимир путинниң украинаниң донетсик, луханск, херсон вә запорижйа районлирини русийәгә қошуш тоғрисидики қанунға имза қойғанлиқини көрсәтти.

у: «дөлитимиз бүгүндин башлап қануний җәһәттин тәрәққий қилди, бу интайин муһим» деди.

у русийә армийәсиниң мәзкур районларниң бәзи олтурақ районлиридин чекиниши үстидә тохтилип: «бу йәрдә зитлиқ йоқ, бу йәрләр мәңгү русийәниң болиду, бәзи җайлар қайтурувелиниду» деди.

русийә газини йавропаға йәткүзидиған «1-шималий еқим» вә «2-шималий еқим» тәбиий газ туруба линйәлиридә йүз бәргән партлашлар һәққидә тохталғанда, русийәниң вәқәгә мунасивәтлик тәкшүрүшләргә қатнаштурулуши керәкликини тәкитлиди.

у йәнә, американиң украинаға бәргән «химарс» (HIMARS) намлиқ ракета атарлар билән қиримға зәрбә бәргили болидиғанлиқи тоғрисидики байанатлири үстидә тохтилип: «бу хил байанлар американиң бу мәсилигә қатнашқанлиқини васитилик йаки биваситә испатлайду. бу интайин хәтәрлик әһвални кәлтүрүп чиқириду» деди.

у «кремилниң ашпизи» дәп билинидиған русийәлик содигәр йевгений пригожинниң русийә бихәтәрлик ширкити вагнәрни 2014-йили 1-май донбастики тоқунушлар сәвәбидин қурғанлиқиға мунасивәтлик байанат елан қилғанлиқини хатирилитип: «йевгений пригожин русийә пуқраси вә сода-карханичи.  у дөлитимиздики башқа сода-карханичиларға охшаш чоң төһпиләрни қошуватиду» деди.

әмма, вагнәрниң салаһийити тоғрисида соални җавабсиз қалдурди.



مۇناسىۋەتلىك خەۋەرلەر