baydin: rusiyening ukraina zéminlirini qoshuwélishini qollighanlargha émbargo yürgüzüshke teyyarmiz

amérika pirézidénti jo baydin ukrainagha qilinidighan 625 milyon dollar qimmitidiki yéngi herbiy yardem pilanini élan qildi.

1888488
baydin: rusiyening ukraina zéminlirini qoshuwélishini qollighanlargha émbargo yürgüzüshke teyyarmiz

türkiye awazi radiyosi xewiri: aqsaray pirézidént jo baydinning ukrainagha qilinidighan yéngi yardem pilanini élan qilghanliqi toghrisida bayanat élan qildi.

bayanatta bildürülishiche, pirézidént jo baydin ukraina pirézidénti wolodimir zélénskiy bilen téfonda körüshkende, amérikaning her qandaq waqitta rusiyening ukrainaning zéminlirini ishghal qilip özige qoshuwélishini qobul qilmaydighanliqini tekitlep, ukrainagha dawamliq yardem qilidighanliqini we bu dairide 625 milyon dollar qimmitidiki yéngi herbiy yardem pilanini uqturghan.

u bu qétimqi yardem pilanida, «ximars» (HIMARS) rakéta atarlar, zembirek sistémiliri we oq-dorilarning barliqini eskertip, rusiyening ukrainaning zéminlirini qoshuwélishini qollighanlargha éghir émbargolarni yürgüzüshke teyyar ikenliklirini qeyt qildi.

u ukraina ashliqining xelqara bazarlargha sélinishni kapaletke ige qilghan we istanbulda imzalanghan ashliq yötkesh kélishimining muweppeqiyetliridin memnun ikenliklirini, ukrainaning erkinliki we démokratiyesi üchün xelqaraliq tirishchanliqlarni her daim qollaydighanliqlirini bildürdi.



مۇناسىۋەتلىك خەۋەرلەر