байдин: русийәниң украина земинлирини қошувелишини қоллиғанларға ембарго йүргүзүшкә тәййармиз

америка пирезиденти җо байдин украинаға қилинидиған 625 милйон доллар қиммитидики йеңи һәрбий йардәм пиланини елан қилди.

1888488
байдин: русийәниң украина земинлирини қошувелишини қоллиғанларға ембарго йүргүзүшкә тәййармиз

түркийә авази радийоси хәвири: ақсарай пирезидент җо байдинниң украинаға қилинидиған йеңи йардәм пиланини елан қилғанлиқи тоғрисида байанат елан қилди.

байанатта билдүрүлишичә, пирезидент җо байдин украина пирезиденти володимир зеленский билән тефонда көрүшкәндә, американиң һәр қандақ вақитта русийәниң украинаниң земинлирини ишғал қилип өзигә қошувелишини қобул қилмайдиғанлиқини тәкитләп, украинаға давамлиқ йардәм қилидиғанлиқини вә бу даиридә 625 милйон доллар қиммитидики йеңи һәрбий йардәм пиланини уқтурған.

у бу қетимқи йардәм пиланида, «химарс» (HIMARS) ракета атарлар, зәмбирәк системилири вә оқ-дориларниң барлиқини әскәртип, русийәниң украинаниң земинлирини қошувелишини қоллиғанларға еғир ембарголарни йүргүзүшкә тәййар икәнликлирини қәйт қилди.

у украина ашлиқиниң хәлқара базарларға селинишни капаләткә игә қилған вә истанбулда имзаланған ашлиқ йөткәш келишиминиң мувәппәқийәтлиридин мәмнун икәнликлирини, украинаниң әркинлики вә демократийәси үчүн хәлқаралиқ тиришчанлиқларни һәр даим қоллайдиғанлиқлирини билдүрди.



مۇناسىۋەتلىك خەۋەرلەر