америка билән иран мәһбус алмаштуруш вә тосулуп қалған пулларни қойуветиш тоғрисида келишти

иран билән америка қошма иштатлири, төт мәһбусни өзара алмаштуруш вә иранниң җаза сәвәбидин тосулуп қалған пуллирини қойуветиш тоғрисида келишти.

1888339
америка билән иран мәһбус алмаштуруш вә тосулуп қалған пулларни қойуветиш тоғрисида келишти

түркийә авази радийоси хәвири: иран дөләтлик бихәтәрлик кеңишигә йеқинлиқи билән тонулған йерим рәсмий нур хәвәрлири тор бети, иран билән американиң мәһбусларни алмаштуруш тоғрисида келишим һасил қилғанлиқини хәвәр қилди.

хәвәрдә, иранда тутуп турулуватқан төт мәһбус билән америкада қамақта йетиватқан төт мәһбусни алмаштуруш вә иранниң җаза сәвәбидин һәр қайси дөләтләрдә тосулуп қалған пуллирини әркин қойуветиш тоғрисида келишим һасил қилинғанлиқи илгири сүрди.

хәвәрдә, келишимгә асасән, иранниң җаза сәвәбидин корийәдә тосулуп қалған поллирини райондики башқа бир дөләтниң банка һесабатиға йөткәш қарар қилинғанлиқи оттуриға қойулған болсиму, пулниң қайси дөләтниң банка һесабатиға селинидиғанлиқи тоғрисида һечқандақ учур берилмиди.

америка билән иран буниңдин илгири җаза сәвәбидин тосулуп қалған пулларни қойуветиш тоғрисида сөһбәт өткүзгән болсиму, әмма бу пулниң қайси дөләттики банкиға қойулидиғанлиқи қарар қилинмиғаниди.

иран мәркизи банкиси башлиқи әли салиһ абади түнүгүн байанат берип, ташқи ишлар министирлиқиниң тиришчанлиқи вә маслаштуруш хизмәтлири сайисида йәттә милйард доллар пулниң қойуветилиши тоғрисида илгириләш һасил қилинғанлиқини, алдимиздики күнләрдә бу һәқтә хуш хәвәр берилидиғанлиқини билдүргәниди.



مۇناسىۋەتلىك خەۋەرلەر