somalida eshshebab kattibashliridin nadir öltürüldi

türkiye awazi radiyosi xewiri: somali döletlik xewer agéntliqi (sonna) ning xewer qilishiche, jubba rayonida dölet xewpsizlik küchliri teripidin 1 – öktebir küni térrorluq teshkilati eshshebabgha qarshi zerbe bérish herikiti élip bérilghan.

bu jeryanda, térrorluq teshkilati eshshebabning qurghuchiliridin «ubeyde» dep bilinidighan abdullahi nadir öltürülgen.

xewerde déyilishiche, uzundin buyan «tutush buyruqi chiqirilghan térrorchilar tizimliki» ge kirgüzülgen nadirgha qarita zerbe bérish herikiti élip bérish pilanlanmaqta iken.

nadir heqqide uchur bilen teminligüchilerge, amérika qoshma ishtatliri teripidin 3 milyon dollarliq mukapat bérilidighanliqi bildürülgenidi.

igilinishiche, somalida térrorluq teshkilati eshshebab, daim dégüdek dölet xewpsizlik küchliri we puqralarni nishan qilip, térrorluq hujumlirini élip baridiken.