zéléniskiy: donétsikining liman shehiride ukraina bayriqini lepildettuq

ukraina pirézidénti wiladimir zélénskiy donétsiki rayonining liman shehiride ukraina bayriqining lepildeshke bashlighanliqini bildürdi.

1887256
zéléniskiy: donétsikining liman shehiride ukraina bayriqini lepildettuq

türkiye awazi radiyosi xewiri: pirézidént zélénskiy ijtimaiy alaqe supisidiki adrésida sin körünüshlük bayanat élan qilip, ukraina armiyesi ilgirilishini dawamlashturuwatqan donétiskining liman shehiri weziyiti toghrisida melumat berdi.

zélénskiy ukraina armiyesi qayturup alghan olturaq rayonlirigha isharet qilip: «bu hepte donbasta xéli köp ukraina bayriqi boldi. bir hepte ichide téximu köp bolidu. undaqta atalmish référandum (omumiy xelq bélet tashlash paaliyiti) dégen néme? ikki donétiski rayoni barmu? ukraina herikiti dawamlishidu» dédi.

u, ukraina armiyesining liman shehirige kirishi heqqide toxtilip mundaq dédi: «ukraina bayriqi donétsik rayonining liman shehiride. u yerdiki toqunushlar dawamlishiwatidu, emma u yerde atalmish référandumning iz-dériki yoq. ukraina burunqi halitige qaytip kélidu. sherqte, jenubta we hazir özige qoshuwalmaqchi boluwatqan jaylarda, 2014 – yilidin buyan igiliwélinghan qirimda... bayriqimiz hemme yerde lepildeydu» dédi.

ukraina dölet mudapie ministirliqi tünügün bayanat bérip, ukraina eskerlirining liman shehirige kirgenlikini élan qilghanidi.

rusiye dölet mudapie ministirliqi bolsa, «ittipaqdash küchler qorshaw tehditi nezerde tutup krasniy liman olturaq rayonidin téximu ewzel orungha chékinip chiqti» dep bayanat bergenidi.

rusiye armiyesi 24-féwral ukrainagha bésip kirip, ishghal herikiti bashlighanidi.


خەتكۈچ: #uyghurche , #bayraq , #ukraina

مۇناسىۋەتلىك خەۋەرلەر