«politiko» zhurnili erdoghanning diplomatik ghelibisige yuqiri baha berdi

türkiyening rusiye-ukraina urushidiki wasitichi roli, jumhur reis rejep tayyip erdoghanning diplomatik ghelibisi her qaysi tereplerning diqqitini qozghidi.

1887312
«politiko» zhurnili erdoghanning diplomatik ghelibisige yuqiri baha berdi

türkiye awazi radiyosi xewiri: amérikada chiqidighan «politiko» zhurnili intérnét sehipiside jumhur reis rejep tayyip erdoghanning diplomatik ghelibisi toghrisida mexsus maqale élan qilip, jumhur reis erdoghanning ashliq karidori échish we esir almashturush kélishimliridiki diplomatik tirishchanliqi we muweppeqiyitige yuqiri baha berdi.

her qaysi döletlerning pozitsiyelirining 2-ayning 24-künidin buyan dawamlishiwatqan ukraina-rusiye urushining yönilishige asasen özgergenliki otturigha qoyulghan maqalide, türkiyening yenila muressechilik ornini saqlap kéliwatqanliqi tekitlendi.

ashliq karidori kélishimidin bashqa, esirlerni almashturush kélishiminingmu türkiyening sayisida hasil qilinghanliqigha isharet qilinghan maqalide, «jumhur reis erdoghan bir tereptin rusiye bilen ochuq liniyeni saqlap qalmaqta, yene bir tereptin, ukrainaning zémin pütünlüki we qirimni öz ichige alghan barliq ukraina zéminlirining azadliqini qollaydighanliqini qayta – qayta tekitlimekte» dégen ibarilerge orun bérildi.

jumhur reis erdoghan rusiye pirézidénti wiladimir putin we ukraina pirézidénti wiladimir zélénskiy bilen ornatqan diplomatik alaqisi netijiside 200 urush esirining almashturulghanliqini élan qilghanidi.

ukraina ashliqini qaradéngiz arqiliq dunyaning her qaysi jaylirigha bixeter yetküzüshni nishan qilghan «istanbul ashliq kélishimi» 22-iyul istanbul dolmabahche sariyidiki jumhur reislik mehkimisi ishxanisida jumhur reis rejep tayyip erdoghan we b d t bash katipi antonio gutérrésning ishtirak qilishi bilen, türkiye, b d t, ukraina we rusiye otturisida imzalanghanidi.


خەتكۈچ: #uyghurche , #diplomatik , #erdoghan

مۇناسىۋەتلىك خەۋەرلەر