hindonéziyede yüz bergen qistangchiliqta qaza qilghanlar sani 174 ke yetti

hindonéziyede bir putbol musabiqisidin kéyin qistangchiliq yüz bérip, 174 adem qaza qildi.

1887292
hindonéziyede yüz bergen qistangchiliqta qaza qilghanlar sani 174 ke yetti

türkiye awazi radiyosi xewiri: sherqiy jawa ölkisining malang shehiridiki kanjuruxan tenterbiye meydanida pérsébaya surabaya komandisining aréma malang komandisini 2 ge qarshi 3 nomur bilen yéngiwélishidin kéyin, ikki komandining qollighuchiliri otturisida sürkilish yüz berdi؛ saqchilarning jédelni ayrish üchün ishletken yash aqquzush gazidin özini qachurmaqchi bolghan nechche yüz kishi birdinla tenterbiye meydanining derwazisi terepke burulup, éghir qistangchiliq peyda qildi. weqede bughulup qalghanlar, dessilip ketkenler bolup nechche on adem qaza qildi.

sherqiy jawa saqchi idarisi bashliqi niko afinta bayanat élan qilip, kechqurun ötküzülgen musabiqidin kéyin, ikki komandining terepdarliri otturisida chiqqan jédelni bésiqturush üchün saqchilarning yash aqquzush gazi ishletkenlikini, yash aqquzush gazining terepdarlar arisida wehime peyda qilghanliqini éytti.

afinta, weqede yarilanghan 300 din artuq kishining rayondiki doxturxanilargha élip bérilghanliqini, emma nurghunlirining yolda we balinistqa élinghan doxturxanilarda qaza qilghanliqini bildürdi.

sherqiy jawa muawin waliysi émil dardak bayanat bérip, qistangchiliqta ölgenler sanining 174 ke yetkenlikini, 11 nepirining yarilinish ehwali éghir bolup 100 din artuq ademning rayondiki sekkiz doxturxanida dawalinwatqanliqini bildürdi.

pirézidént joko widodo hindonéziye putbolchilar birleshmisige bixeterlik tertipi yaxshilanmighuche 1-birleshmini waqtinche toxtitip qoyush toghrisida buyruq chüshürdi.


خەتكۈچ: #uyghurche , #qaza , #hindonéziye

مۇناسىۋەتلىك خەۋەرلەر