irandiki namayishlar zahidandiki oqu - oqutush xizmetlirige tesir körsetti

iranning sherqiy jenubidiki zahidan shehiride yüz bergen qanliq weqelerdin kéyin, rayondiki mektepler ders toxtatti.

1887126
irandiki namayishlar zahidandiki oqu - oqutush xizmetlirige tesir körsetti

türkiye awazi radiyosi xewiri: iran resimiy xewer agéntliqi — irna, maarip bash idarisining uqturush tarqitip, sistan-baluchistan ölkisining zahidan shehiridiki weqeler peyda qilghan ensizlik sewebidin mekteplerning shenbe küni (bir kün) taqalghanliqini élan qilghanliqini bildürdi.

zahidan, kurin we nusretabad sheherliridiki barliq mektepler oqughuchilirini bir künlük dem élishqa qoyuwetti, zahidan uniwérsitéti bolsa, 1-öktebirdin 7-öktebirgiche oqu – oqutushni toxtatti.

iran taratquliri tünügün chüshte döletning sherqiy jenubidiki zahidan shehiride jüme namizidin kéyin bir saqchixana we puqralarning oqqa tutulghanliqini, sheherdiki bir ammiwi bina bilen bir ot öchürüsh mashinisi we bir banka shöbisige ot qoyup bérilgenlikini xewer qilghanidi.

sistan-baluchistan waliysi hüseyin muderris xiyabani bayanat bérip, weqelerde 19 kishining hayatidin ayrilghanliqini, 20 kishining yarilanghanliqini, bu sanning saqchi we puqralarni öz ichige alidighanliqini bildürgen, weqege munasiwetlik tepsilatlarning kéyin élan qilinidighanliqini eskertkenidi.


خەتكۈچ: #uyghurche , #maarip , #mektep , #namayish , #iran

مۇناسىۋەتلىك خەۋەرلەر