шималий корейә баллистик башқурулидиған бомба синақ қилди

шималий корейәниң шәрқий деңизға икки данә қисқа мусапилик баллистик башқурулидиған бомба қойуп бәргәнлики билдүрүлди.

1887128
шималий корейә баллистик башқурулидиған бомба синақ қилди

түркийә авази радийоси хәвири: җәнубий корейә армийәси байанат елан қилип, шималий корейәниң бу қетимқи икки қетимлиқ баллистик башқурулидиған бомба қойуп бериш қилмиши билән, йеқинқи бир һәптидин аз вақит ичидә төт қетим «қутратқулуқ» қилғанлиқини оттуриға қойди.

җәнубий корейә баш қоманданлиқ иштаби, шималий корейәниң сунан районидин шу йәр вақти 06:45 дин 07:03 минут өткүчә болған арилиқта икки қетим бомба қойуп бәргәнликини ениқлиғанлиқини билдүрүп: «шималий корейәниң әң йеңи баллистик башқурулидиған бомбилири корйеә йерим арилиниңла әмәс, хәлқара җәмийәтниңму тинчлиқиға бузғунчилиқ қилидиған муһим иғвагәрчилик һәрикити болуп, бирләшкән дөләтләр тәшкилати (б д т)  хәвпсизлик кеңишиниң қарарлириға очуқ-ашкарә хилаптур» дегәнләрни қәйт қилди.

йапонийә дөләт мудапиә министирлиқи 29-сентәбирдә шималий корейәниң йапонийә деңизи (шәрқий деңиз) тәрәпкә икки баллистик башқурулидиған бомба қойуп бәргәнликини елан қилғаниди.

кйодо агентлиқиниң хәвиригә қариғанда, америка, җәнубий корейә вә йапонийәниң үч тәрәп су асти парахотиға қарши бирләшмә маневир өткүзүш еһтимали бар икән.



مۇناسىۋەتلىك خەۋەرلەر